Թուրքիան մեղմացնում է արտակարգ դրությունը 65-ից բարձր մարդկանց և երիտասարդների համար

Թուրքիայում չեղարկվել են պարետային ժամի սահնափակումները 65-ից բարձր քաղաքացիների, խրոնիկ հիվանդություններ ունեցողների և երիտասարդների համար։ Երկրի ՆԳՆ տարածած հայտարարության մեջ նշվում է, որ 65-անց մարդկանց կթույլատրվի դուրս գալ տներից՝ բնակության վայրի մոտակայքում մի քանի րոպե զբոսնելու համար, պայմանով, որ պետք է կրեն պաշտպանիչ դիմակներ. գրում է Yeni Şafak –ը։

Մինչև 14 տարեկան երեխաներին կթույլատրվի դուրս գալ տներից նույն այն ժամերին, ինչ նախատեսված է ծերերի համար՝ 10։00-15։00-ն։ 15-20 տարեկանները մայիսի 15-ից կկարողանան փողոց դուրս գալ՝ մի քանի րոպե զբոսնելու համար։

Թուրքիան մարտի 21-ից արգելել էր 65-ից բարձր քաղաքացիների՝ փողոց դուրս գալը։

Թուրքիայում մայիսի 7-ի տվյալներով գրանցվել է կորոնավիրուսով վարակման 131,744  դեպք՝ 3,584 մահվան ելքով։