ՏԵՍԱՆՅՈՒԹ. Իրանում ցույցեր են. ԱՄՆ-ի հայտարարությունն Իրանի ղեկավարությանը դուր չի եկել

Իրանում ցույցերն ընդդեմ բենզինի գնի բարձրացման շարունակվում են. ըստ Yerkir.am-ի՝ հայտնում է ՌԻԱ «Նովոստի»-ն:

Դեռևս ուրբաթ հաղորդվել էր, որ բողոքի ակցիայի ընթացքում 1 մարդ է զոհվել։ Պետդեպարտամենտի պաշտոնական ներկայացուցիչ Մորգան Օրտագուսի տեղեկացմամբ՝ ԱՄՆ-ը դատապարտում է ցույցերի ֆոնին երկրում համացանցն անջատելու՝ Իրանի իշխանությունների փորձերը։ Նա նաև հայտնել է Իրանի «բազմաչարչար ժողովրդին» ԱՄՆ-ի աջակցության մասին։

Թեհրանն ԱՄՆ-ի հայտարարությունը համարում է միջամտություն երկրի ներքին ու արտաքին գործերին։ Այս մասին հայտարարել է Իրանի ԱԳՆ պաշտոնական ներկայացուցիչ Աբաս Մուսավին:

«Մենք աջակցում ենք Իրանի ժողովրդին, որը պատասխանատվություն և թափանցիկություն է պահանջում իր կառավարությունից։ Իրանը միջուկային համաձայնագրի շրջանակում պատժամիջոցների մեղմացումից ստացված միլիարդավոր դոլարներն օգտագործել է ոչ թե դպրոցներ ու հիվանդանոցներ կառուցելու, այլ Մերձավոր Արևելքում ահաբեկչական բջիջներին ֆինանսավորելու համար»,- իր թվիթերյան միկրոբլոգում գրել է Օրտագուսը:

Իր հերթին Մուսավին հավելել է. «Հետաքրքիր է, որ աջակցություն են հայտնում մի ժողովրդի, որը գտնվում է ԱՄՆ տնտեսական ահաբեկչության ճնշման ներքո»։