Հյուսիսային Կորեան դարձյալ հրթիռներ Է արձակել Ճապոնական ծովի ուղղությամբ

Սեպտեմբերի 10-ին երկու չճանաչված արկ Է արձակվել Հյուսիսային Կորեայի տարածքից: Այս մասին հայտնում է Kyodo գործակալությունը՝ հղում անելով Հարավային Կորեայի Շտաբների պետերի միացյալ կոմիտեին։

Ըստ հարավկորեացի զինվորականների՝ հրթիռներն արձակվել են Ճապոնական ծովի ուղղությամբ: Թռչել են շուրջ 330 կիլոմետր:

ԱՄՆ-ը հայտարարել է, որ հետևում Է իրադրությանը և սերտ շփումների մեջ է տարածաշրջանում իր դաշնակիցների հետ. տեղեկացնում է ՏԱՍՍ-ը:

Միևնույն ժամանակ «Ինտերֆաքս» լրատվական գործակալությունը հաղորդում է՝ Հարավային Կորեան նույնպես հայտարարել է՝ հետևում է իրադրությանը, ինչպես նաև ԿԺԴՀ-ին կոչ է արել՝ դադարեցնել գործողությունները, որոնք սաստկացնում են լարվածությունը:

Նշենք, որ սա վերջին շրջանում հրթիռների արդեն յոթերորդ արձակումն է Հյուսիսային Կորեայից: Վերջին անգամ մի քանի արկերի արձակման մասին հաղորդվել էր օգոստոսի 24-ին: