Պակիստանում ռազմական օդանավ է վթարվել. զոհվել է 17 մարդ (տեսանյութ)

Պակիստանի Ռավալպինդի քաղաքի մոտակայքում գտնվող բնակելի տարածքում ոչ մեծ ռազմական օդանավ է կործանվել, զոհվել է 17 մարդ, որոնցից`5-ը անձնակազմի անդամներ, 12-ը՝ քաղաքացիներ: Տուժածների թիվն այս պահի դրությամբ 12-ն է. հայտնում է BBC-ն:

Լրատվական գործակալության տվյալներով` օդանավը կործանվել է ուսումնական թռիչքի ժամանակ: Ավիավթարի հետևանքով տներից մի քանիսում հրդեհ է բռնկվել:

Տեղի պաշտոնյաներից մեկի հավաստմամբ` օդանավը մխրճվել է բնակելի շենքի կողային հատվածի մեջ, ինչի հետևանքով այն ամբողջությամբ փլուզվել է:

Վթարի պատճառները դեռևս հայտնի չեն:

Ռաուալպինդին գտնվում է մայրաքաղաք Իսլամաբադին մոտ, որտեղ տեղակայված է Պակիստանի բանակի շտաբ-կայանը: Ռազմական օդանավը պատկանել է Պակիստանի բանակի ավիացիոն ստորաբաժանումին: