Ռուսաստանում կավելանա մայրական կապիտալի չափը

ՌԴ փոխվարչապետ Տատյանա Գոլիկովան հայտարարել է, որ 2020թ-ին կավելանա մայրական կապիտալի չափը: «Երբ կորոշակիանա սոցիալ-տնտեսական զարգացման ծրագիրը, և երբ կհստակեցվեն ինդեքսները, այդ ժամանակ կարելի է խոսել կոնկրետ գումարի մասին»,- ասել է նա: Այս մասին հաղորդում է РИА Новости-ն:

Փոխվարչապետը նաև նշել է, որ կառավարությունը միջոցներ է ձեռնարկում ընտանիքներում առաջին երեխայի ծնունդը խթանելու ուղղությամբ:Հարցին, թե հնարավոր է, առաջին երեխայի ծննդյան դեպքում հատկացնել մայրական կապիտալ, Գոլիկովան ասել է. «Այդ մասին դեռ վաղ է խոսել»:

Մայրական կապիտալի վերաբերյալ ծրագիրը ՌԴ-ում գործում է 2007թ-ից: Երկրորդ և հաջորդ երեխաների ծննդյան դեպքում հատկացվում է սերտիֆիկատ, 2018թ-ին դրա արժեքը կազմել է 453 հազար ռուբլի: