Ռուսաստանում կշարունակեն մայրական կապիտալ վճարել

ՌԴ նախագահ Վլաիդմիր Պուտինն այսօր Դաշնային խորհրդին ուղղված իր ամենամյա ուղերձում անդրադարձել է Ղրիմի վերամիավորմանը, ԱՄՆ-ի եւ Եվրոպայի հետ հարաբերություններին, Ուկրաինայի արեւելքում տեղի ունեցող իրադարձություններին, նաեւ` երկրի տնտեսական քաղաքականությանը:

Մասնավորապես` պահանջել է կասեցնել արժութային շուկայում սպեկուլյացիաները` կապված ռուբլու արժեքի տատանման հետ: Նախագահը հանձնարարել է կառավարությանը` վերահսկել ապրանքների ու դեղամիջոցների գները:

Խոսելով ՌԴ սոցիալական քաղաքակիանության մասին` Պուտինը տեղեկացրել է, որ մայրական կապիտալի ծրագիրը կշարունակվի, բացի այդ` անհրաժեշտ է շարունակել ժողովրդագրական զարգացման ծրագիրը:

Պուտինը նաեւ հանձնարարականներ է տվել պաշտպանության նախարարությանն ու «Ռոսֆինմոնիտորինգ»-ին, մասնավորապես` պահանջել է մշակել «կոշտ վերահսկողության» համակարգ ռազմական պետպատվերի գումարների նկատմամբ, նաեւ ընդգծել է, որ այդ գումարների շորթումը կհավասարեցվի ֆինանսական ահաբեկչության: