ԿԲ նախագահը բացել է աշխատանքում իր «երկարակեցության» գաղտնիքը

Խորհրդարանում Կենտրոնական բանկի տարեկան զեկույցի քննարկման ժամանակ ԼՀԿ պատգամավոր Կարեն Սիմոնյանը հիշեցրեց, որ ԿԲ գործող նախագահ Արթուր Ջավադյանը արդեն երկու անգամ նշանակվել է ԿԲ նախագահ. նա աշխատել է և՛ երկրորդ նախագահի, և՛ երրորդի ժամանակ՝ համարվելով նրանց մտերիմը: Պատգամավորը հետաքրքրվեց՝ ինչպե՞ս է կարողանում աշխատել այդքան երկար և հասցրե՞լ է մտերմանալ վարչապետ Փաշինյանի հետ։

Ջավադյանը պատասխանեց, որ եթե պատգամավորը մի քիչ էլ խորանար, կպարզեր, որ ինքը ԿԲ խորհրդի անդամ էլ նշանակվել է դեռ առաջին նախագահի օրոք։ Իսկ երկար աշխատելու կարողությունը ԿԲ նախագահը պայմանավորեց թիմի արհեստավարժությամբ։