Գրավատները և փոխանակման կետերը բացարձակապես այլ դաշտում են գործում. փոխվարչապետ

Այո՛, իրոք, հանդիպել ենք ներկայացուցիչների հետ, բավականին երկար քննարկել թեման և հանգել ենք այն մտքին, որ գրավատները կամ փոխանակման կետերը չպետք է համեմատել ֆինանսական այլ կառույցների հետ. ԱԺ-կառավարություն հարցուպատասխանի ժամանակ ասաց ՀՀ փոխվարչապետ Մհեր Գրիգորյանը։

«Որովհետև այլ ֆինանսական կառույցները՝ վարկային կազմակերպություններն ու բանկերը, գործում են բացարձակապես այլ կարգավորման դաշտում և ունեն բազմաթիվ սահմանափակումներ։ Բացարձակապես այլ դաշտում են գործում գրավատները և փոխանակման կետերը: Ես պատրաստ եմ երկուշաբթի՝ ժամը 11։00-ին, կառավարության շենքի առջև կայանալիք բողոքի ակցիայի շրջանակներում հանդիպել ոլորտի ներկայացուցիչների հետ»,- ասաց նա` հավելելով, որ լավ կլինի ձևավորվեն երկխոսության կետեր, այլ ոչ թե գան ու պահանջներ ներկայացնեն: