Գործադիր մարմնին վերաբերող հարցեր չեն քննարկվել. Տիգրան Ավինյան

Այսօր «Իմ քայլը» դաշինքի քննարկումից հետո լրագրողների հետ զրույցում ՀՀ փոխվարչապետի պաշտոնակատար Տիգրան Ավինյանը նշել է, որ քննարկվել են միայն խորհրդարանական խմբակցությանը վերաբերող հարցեր, գործադիր մարմնին վերաբերող հարցեր չեն քննարկվել:

«Քննարկվել են Ազգային ժողովի նախագահի, փոխնախագահների, «Իմ քայլ»-ը դաշինքի խմբակցության ղեկավարի, ինչպես նաև հանձնաժողովի նախագահների հարցերը»,- ասաց Ավինյանը:

Նշենք, որ Տրանսպորտի, կապի և տեղեկատվական տեխնոլոգիաների նախարարի պաշտոնակատար  Հակոբ Արշակյանը լրագրողների հետ զրույցում ասել է, որ ցանկություն ունի մնալ գործադիրում, սակայն դեռ տեղյակ չէ` իրեն կառաջարկվի նախարարի պաշտոնը, թե ոչ: