Որոշել եմ թողնել դիվանագիտական աշխատանքը. Ուկրաինայում ՀՀ դեսպան

Ուկրաինայում ՀՀ արտակարգ և լիազոր դեսպան Անդրանիկ Մանուկյանը որոշել է դադարեցնել դիվանագիտական աշխատանքը: Այս մասին նա տեղեկացրել է իր ֆեյսբուքյան էջում:

Նա մասնավորապես ասել է. «Սիրելի ընկերներ, իմ արձակուրդի ավարտին մնացել է մի քանի օր, և այդ ժամանակվա ընթացքում ես հանգեցի կարևոր որոշման: Ես որոշել են թողնել իմ դիվանագիտական աշխատանքը: Այդ որոշումը հասունացել էր վաղուց, սակայն մեկ գաղտնիք բացեմ. ես մի քանի անգամ դիմել եմ Երևանին ինձ հետ կանչելու խնդրանքով, սակայն ամեն անգամ մերժում եմ ստացել: Այժմ Հայաստանում որակապես այլ իրավիճակ է ստեղծվել, և ես անկեղծորեն համարում եմ, որ ժամանակն է ճանապարհ տալ երիտասարդներին աճի համար: Հույս ունեմ, որ այս անգամ դրական պատասխան կստանամ»: