Իրանի նախկին նախագահը դիմել է Թրամփին

Իրանի նախկին նախագահ Մահմուդ Ահմադինեժադը Twitter-յան իր էջում դիմել է ԱՄՆ նախագահ Դոնալդ Թրամփին:

Նա կոչ է արել Թրամփին բացահայտել ԱՄՆ-ում Green Card-ով բնակվող իրանցի կառավարական պաշտոնյաների բարեկամների անունները և բանկային հաշիվները: 

«Պարոն Թրամփ, հրապարակեք ԱՄՆ-ում Green Card և բանկային հաշիվներ ունեցող իրանցի պաշտոնյաների բարեկամների անունները»,- գրել է Ահմադինեժադը:

Նշենք, որ Ահմադինեժադը դատական համակարգի ներկայիս ղեկավար Այաթոլլահ Սադիկ Լարիջանիին մեղադրել է կոռուպցիայի համար: Այդ առնչությամբ իրանական ԶԼՄ-ները ավելի շատ են սկսել հաղորդել այն մասին, որ կառավարությանը մոտ մի շարք անձինք գումար են հանում երկրից: