ԱՄՆ Կոնգրեսի Ներկայացուցիչների պալատի նախագահը Թրամփին ցանկանում է բանտում տեսնել

ԱՄՆ Կոնգրեսի Ներկայացուցիչների պալատի նախագահ Նենսի Փելոսին հայտարարել է, որ ցանկանում է ԱՄՆ նախագահ Դոնալդ Թրամփին բանտում տեսնել: Այդ մասին, ըստ Газета.ру-ի, գրում է Politico-ն` ԱՄՆ դեմոկրատական կուսակցությունում աղբյուրներին հղումով:

Նշվում է, որ այդ մասին նա ասել է դատական պալատի նախագահ Ջերի Նադլերի հետ հանդիպման ժամանակ: Հանդիպումը նվիրված է եղել այն հարցին, թե արժե՞ սկսել Թրամփի իմպիչմենտի գործընթաց:

Ըստ պարբերականի` Նադլերը պնդել է, որ Փելոսին թույլ տա կոմիտեին` սկսել իմպիչմենտի գործընթացը: Փելոսին, ի պատասխան, ասել է. «Ես չեմ ցանկանում, որպեսզի իմպիչմենտ լինի, ես ցանկանում եմ նրան բանտում տեսնել»: