Բողոքի ակցիա՝ դատարանի առջև. պահանջում են Մասիսի քաղաքապետին ազատ արձակել

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանում այժմ քննվում է Մասիսի քաղաքապետ Դավիթ Համբարձումյանի և նրա տեղակալ Կարեն Օհանյանի նկատմամբ խափանման միջոց ընտրելու վերաբերյալ միջնորդությունը։

Ի պաշտպանություն քաղաքապետի՝ դատարանի շենքի առջև Մասիսի բնակիչները բողոքի ակցիա են իրականացնում: Նրանք  պահանջելում են ազատ արձակել քաղաքապետին ու փոխքաղաքապետին:

Հիշեցնենք, որ ապրիլի 22-ին Էրեբունի վարչական շրջանում տեղի ունեցած անկարգությունների դեպքի առթիվ ՀՀ քննչական կոմիտեի Երևան քաղաքի քննչական վարչության վարույթում քննվող քրեական գործով իրականացված անհրաժեշտ միջոցառումների արդյունքում ձեռք բերված ապացույցների հիման վրա մեղադրանք է առաջադրվել 5 անձի:

Ավելի վաղ տեղեկացրել ենք, որ 2018թ. ապրիլի 22-ին մի խումբ անձինք, որոշները՝ բժշկական դիմակներով, հարձակվել են բողոքի ակցիա իրականացնող քաղաքացիների վրա և քարերով, մահակներով, էլեկտրահարող սարքերով բռնություն գործադրել։

Ձեռք բերված բավարար ապացույցների հիման վրա հունիսի 1-ին մեղադրանք է առաջադրվել 5 անձի, այդ թվում՝ Մասիսի քաղաքապետ Դավիթ Համբարձումյանին: