TRT-ի խեղկատակությունը. Էրդողանին տրամադրել են 105 րոպե եթեր, Դեմիրթաշին` 3 վայրկյան

Թուրքիայում նախագահական ընտրությունների շրջանակներում պետական TRT հեռուստաալիքի տրամադրած քարոզչական եթերի հարցով խեղկատակություն է արվել:

Ըստ Demokrathaber-ի` պետական հեռուստաալիքը իշխող «Արդարություն և զարգացում» կուսակցության թեկնածու, երկրի նախագահ Ռեջեփ Թայիփ Էրդողանին տրամադրել է 105 րոպե եթեր, մինչդեռ քրդամետ ժողովուրդների դեմոկրատական կուսակցության կողմից առաջադրված Սելահաթթին Դմիրթաշին` ընդամենը 3 վայրկյան:

Միջանկյալ նշնենք, որ Դեմիրթաշը մեղադրվում է Թուրքիայում ռազմական հեղաշրջման հետ կապեր ունենալու մեջ և այդ պատճառով արդեն երկու տարի բանտում է:

Էրդողանին եթերի ամենաերկար ժամանակը տրամադրած TRT-ն ընդդիմադիր Ժողովրդահանրապետական կուսակցությանը տրամադրել է 37 րոպե: Մյուս կուսակցությունների հետ TRT-ն նույն կերպ է վարվել` տրամադրելով  համեմատաբար քիչ եթեր: