«Իմ քայլը» շարժումը Հյուսիսային ավտոկայանից գալիս է Ազատության հրապարակ

Այսօր առավոտյան Երևանի պետական համալսարանի մի խումբ ուսանողներ դասադուլ են սկսել: Երեկ ուսանողներին դասադուլ անելու և «Իմ քայլը» շարժմանը միանալու կոչ էր արել Երևանի ավագանու «Ելք» խմբակցության անդամ Արայիկ Հարությունյանը:

«Քաղաքացիական պայմանագիր» կուսակցության անդամ Նիկոլ Փաշինյանը և նրա թիմը մարտի 31-ից քայլարշավ էր սկսել Գյումրիից: Այս պահին  նրանք արդեն հասել են Երևանի Հյուսիսային ավտոկայան: Նրանց այնտեղ դիմավորել են դասադուլ սկսած ուսանողները:

Քայլարշավի մասնակիցներն այժմ քայլում են դեպի Ազատության հրապարակ, որտեղ 18:30-ին նախատեսվում է հանրահավաք ընդդեմ Սերժ Սարգսյանի պաշտոնավարման երրորդ ժամկետի: