Սահակաշվիլին նամակ է գրել Պորոշենկոյին

Օդեսայի շրջանի նախկին նահանգապետ Միխեիլ Սահակաշվիլին բանտից դուրս գալուց հետո նամակ է գրել Ուկրաինայի նախագահ Պյոտր Պորոշենկոյին և բացահայտել դրա բովանդակությունը. հայտնում է Газета.ру-ն: 

«Դուք ինձ սխալ եք մեղադրել: Դուք չեք կարող չիմանալ, որ վիրավորանք է ինձ ռուսական գործակալ անվանելը: Ինձ ասացին, որ մի քանի օրից նախագահը պատրաստ է հանդիպել: Սակայն ես ասացի, որ այդպես չի լինի: Ես այն մարդը չեմ, որը հետևի դռներից որևէ տեղ կմտնի»,- մասնավորապես ասվում է նրա նամակում:

Սահակաշվիլին հավելել է, որ պնդում է, որպեսզի հրապարակային երկխոսություն լինի Պորոշենկոյի հետ կոռուպցիոն սխեմաները փակելու և դրանց հետ կապ ունեցող անձանց իշխանությունից հեռացնելու մասին: