Ժողովուրդ, էսքան վա՞տ է ամեն ինչ ձեզ համար. պատգամավորը` ՀԺ֊ում հրապարակված հոդվածն իբրև բանակցային փաստաթուղթ հրամցնելու մասին

ՀՅԴ Հայաստանի Գերագույն մարմնի անդամ, ԱԺ «Հայաստան» խմբակցության պատգամավոր Քրիստինե Վարդանյանը գրում է․  

«ՔՊ-ն, ապացուցելու համար, որ նախկին իշխանությունները «հանձնել են Մեղրին» իբր փաստաթուղթ հրապարակել է Հայկական ժամանակում 1999 թ. տպագրված հոդված:

Լավ է, Փաշինյանի լայվերին հղում չեն տալիս. ժողովուրդ էսքան վատ է ամեն ինչ ձեզ համար: Ո՞րն է էլի ձեր հույսը, որ բացի քպ-ականների ստատուսներից մարդիկ մնացածը չեն կարդալու:

Իսկ հրապարակված փաստաթղթերը խորհուրդ եմ տալիս անպայման կարդալ, ինքս հերթով ծանոթանում եմ ու առայժմ հաստատվում են բացառապես ընդդիմադիր պատգամավորների ու փորձագետների բոլոր պնդումները:

Իհարկե սա բանակցային փաթեթի հրապարակում անվանելը ծիծաղելի է, սա ընդամենը մի փոքր հատվածն էլ չէ փոխանակված փաստաթղթերի, բայց մեկ է, այս փաստաթղթերին ծանոթանալն էլ օգտակար է»: