Օջալանին այցելելու համար դիմում է ներկայացվել թուրքական դատախազություն

Թուրքիայի Իմրալի բանտում գտնվող Աբդուլլահ Օջալանին այցելելու համար դիմում է ներկայացվել Բուրսայի գլխավոր դատախազություն:

Միջանկյալ նշենք, որ Օջալանը Թուրքիայում ահաբեկչական համարվող Քուրդիստանի բանվորական կուսակցության ղեկավարն է:

Ըստ Demokrathaber-ի՝ Օջալանի քույրը՝ Ֆաթմա Օջալանն ու նրա եղբայրը՝ Մեհմեդ Օջալանը իրենց փաստաբանների միջոցով դիմել են Բուրսայի գլխավոր դատախազությանը:

Դիմումի արդյունքի վերաբերյալ տեղեկություններ դեռևս չի հաղորդվում:

Հիշեցնենք, որ Քուրդստանի բանվորական կուսակցությունը քրդական կազմակերպություն է, որի հիմնական նպատակն է զինված պայքարի միջոցով Թուրքիայի հարավ-արևելյան, Իրաքի հյուսիսային, Իրանի հյուսիս-արևմտյան և Սիրիայի հյուսիս-արևելյան տարածքներում քրդական անկախ պետության հիմնումը: Այն հայտնի է նաև մի շարք այլ անուններով, այդ թվում նաև HPG, KCK անունով։

Աբդուլլահ Օջալանը, ով կուսակցության հիմնադիրն է,  ներկայում ցմահ ազատազրկում է կրում թուրքական Իմրալը կղզու բանտում, սակայն շարունակում է համարվել կազմակերպության ղեկավարը։