Օջալանին տնային կալանքի տակ պահելու մասին խոսք լինել չի կարող. Էրդողան

Օջալանին տնային կալանքի տակ պահելու մասին խոսք լինել չի կարող.  հայտարարել է Թուրքիայի վարչապետ Ռեջեփ Թայիփ Էրդողանը` մեկնաբանելով ՔԲԿ առաջնորդ Աբդուլլահ Օջալանի` Իմրալը կղզում ցմահ բանտարկությունը տնային կալանքով փոխարինելու առաջարկը:

«Այդ հարցը նույնիսկ քննարկման ենթակա չէ»,- ընդգծել է նա` հերքելով նաեւ ՔԲԿ-ի գրոհայիններին ներում շնորհելու մասին տեղեկատվությունը:

Էրդողանը նշել է, որ ահաբեկիչները, որոնք կլքեն Թուրքիան, պետք է հանձնեն զենքը: «Նրանք, ովքեր հեռանում են, թող իրենց զենքը թաղեն անձավներում եւ նոր հեռանան: Եթե հեռանան զենքով, դա կլինի ակնհայտ սադրանք: Եթե նրանք հատեն սահմանը, դա կարող են անել` միայն զենքը թողնելով»,- հայտարարել է նա:

Էրդողանը ենթադրում է, որ եթե ՔԲԿ-ի հետ համաձայնություն ձեռք բերվի, երկիրը կլքի 500-2000 ահաբեկիչ. տեղեկացնում է APA գործակալությունը: