Ադրբեջանցի ընդդիմադիր լրագրողի փաստաբանը դատի է տվել Թբիլիսիի դատախազությանը

Ադրբեջանցի ընդդիմադիր լրագրող Աֆղան Մուխթարլըի վրացի փաստաբանները դատի են տվել Թբիլիսիի դատախազությանը: Այդ մասին ադրբեջանական Turan-ին  հայտնել է լրագրողի վրացի փաստաբան Արչիլ Չոպիկաշվիլին. հայտնում է contact.az-ը:

Բողոքը կապված է այն բանի հետ, որ լրագրողին և նրա կնոջը` Լեյլա Մուսթաֆաևին, «տուժածի» կարգավիճակ շնորհվի: «Այդ պահանջը լիովին օրինական է»,- ասել է փաստաբանը:

Մուխթարլըին Բաքվում  իշխանության ներկայացուցչի նկատմամբ ուժային դիմադրություն ցույց տալու մեղադրանք է ներկայացվել: Նա նաև մեղադրվում է Ադրբեջանի սահմանն անօրինաբար հատելու և մաքսանենգության մեջ:

 Հիշեցնենք, որ լրագրողի փաստաբանը Кавказский узел-ին հայտնել էր, որ Վրաստանում անհայտ անձինք նրան ուժով նստեցրել են «Օպել» մակնիշի մեքենա և հասցրել Ադրբեջանի սահմանապահ ուղեկալներից մեկն ու նրա մոտ 10 հազար եվրո թողել, որպեսզի հետագայում մեղադրեն մաքսանենգության  և սահմանը անօրինաբար հատելու մեջ: