Մի հատ իմ անցած ուղուն նայեք. Ալիկ Սարգսյանը խոժոռվեց

Նախկին ոստիկանապետ, այժմ ՀՀԿ խմբակցության պատգամավոր Ալիկ Սարգսյանը Yerkir. am-ի հետ զրույցում հերքեց լուրերը, թե ինքը Արտաշատի քաղաքապետ դառնալու ցանկություն ունի:

«Նախ` ես Երևան քաղաքի գրանցում ունեմ, իսկ հետո, եթե անգամ Արտաշատի բնակիչ լինեի, քաղաքապետ չէի ցանկանա դառնալ: Մի հատ իմ անցած ուղուն նայեք, դա աբսուրդ է»,- հայտարարեց նա:

Սարգսյանը նաև նշեց, որ ՀՀԿ-ն այս պահին դեռ չի որոշել, թե Արտաշատ քաղաքում ով կլինի քաղաքապետի` իրենց թեկնածուն:  

Հիշեցնենք, որ ՀՀ նախկին վարչապետ Հովիկ Աբրահամյանի որդու` Արգամ Աբրահամյանի` Արտաշատի քաղաքապետի պաշտոնից հրաժարականի դիմում ներկայացնելուց հետո քաղաքապետի լիազորությունները ժամանակավոր կատարում է փոխքաղաքապետ Գագիկ Պողոսյանը: