Օբաման մեզ խաբեց. Էրդողանի կոշտ մեղադրանքը

Թուրքիայի նախագահ Ռեջեփ Թայիփ Էրդողանը արաբական Al Jazeera հեռուստաընկերության հետ զրույցում կոշտ մեղադրանք է հնչեցրել ԱՄՆ նախկին նախագահ Բարաք Օբամայի հասցեին: 

Ըստ Al Jazeera-ի՝ զրույցի ընթացքում հարց է հնչել, թե արդյոք ԱՄՆ-ի նոր ղեկավարությունը Թուրքիային խոսք է տվել Սիրիայի քրդական ուժերի և Քուրդիստանի բանվորական կուսակցության հարցում դիրքորոշում փոխել, ինչին ի պատասխան` Էրդողանն ասել է. «Ահաբեկչական կազմակեպությունների դեմ պայքարի հարցում նախկինում նրանք ասում էին, որ պետք է փոխհամաձայնեցված աշխատենք: Մենք ավելի վաղ համաձայնություն ենք ձեռք բերել PKK-ի հետ հարցում: Օբամայի օրոք էլ Սիրիայի քրդական ուժերի հարցում համաձայնություն ունեինք, սակայն,  ցավոք, Օբաման մեզ խաբեց»: