Սամվել Բաբայանը երկու ամսով կալանավորվել է

Երեւանի Կենտրոն և Նորք- Մարաշ վարչական շրջանների ընդհանուր իրավասության դատարանը քիչ առաջ 2 ամսով կալանավորել է Արցախի պաշտպանության բանակի նախկին հրամանատար Սամվել Բաբայանին: Այս տեղեկությունը NEWS.am-ի հետ զրույցում հաստատեց նրա պաշտպան Ավետիս Քալաշյանը:

Թե ինչ մեղադրանք է առաջադրվել Բաբայանին, փաստաբանը նշել չցանկացավ: Նա ասաց միայն, որ մեղադրանքն անհիմն է:

Ավելի վաղ ՀՀ Ազգային անվտանգության ծառայությունը հաղորդագրություն էր  տարածել եւ հայտնել, որ Սամվել Բաբայանը ձերբակալվել է   Հայաստանի Հանրապետություն «Իգլա» տեսակի զենիթա-հրթիռային համալիր տեղափոխելու փաստի առթիվ հարուցված քրեական գործի շրջանակներում։

Սկզբնաղբյուր՝  NEWS.am: