Ուկրաինայի անվտանգության ծառայությունը կստուգի Արծվիկ Հարությունյանին

Ուկրաինայի անվտանգության ծառայությունը կստուգի «Եվրատեսլի-2017» երգի մրցույթի բոլոր մասնակիցներին և կպարզի` արդյո՞ք նրանք այցելել են Ղրիմ ՌԴ-ին միանալուց հետո. գրում է Газета.ру-ն:

Նշվում է, որ ռուսաստանցի մասնակցի` Յուլյա Սամոյլովայից հետո առաջինն այդ ստուգմանը կենթարկվի Հայաստանը ներկայացնող Արծվիկ Հարությունյանը: Այդ մասին հայտարարել է Ուկրաինայի ՆԳՆ ղեկավարի խորհրդական Անտոն Գերաշչենկոն:

Նշվում է, որ ուկրաինացի հետախույզների տվյալներով` Արծվիկը մասնակցել է «Ռուսաստանի ձայն»-ը նախագծին և մտերիմ է մի շարք ռուս երգիչների հետ:

«Հնարավոր է ուժայիններին անհանգստացրել է այն, որ Արծվիկ Հարությունյանը 5 տարեկանից ապրել է Մոսկվայում»,- գրում է կայքը` հավելելով, որ որևէ ապացույց, որ Արծվիկը ելույթ է ունեցել Ղրիմում, ներկայումս չկա: