Եթե ձեր նպատակն ինձ վիրավորելն է, դա ձեզ չի հաջողվի. Շավարշ Քոչարյան

Այսօր` կառավարության նիստից հետո, լրագրողները ԱԳ փոխնախարար Շավարշ Քոչարյանին հարցրեցին կառավարության կադրային փոփոխությունների մասին, մասնավորապես` ԱԳ նախարարի մասով: Նա նշեց, որ երբ լինեն հրամանագրերը փոփոխությունների մասին, այն ժամանակ էլ բոլորը կտեղեկանան:

Ինչ վերաբերում է նոր վարչապետի` «դրսի կադր» լինելու և հանրապետական չլինելու հանգամանքին, Շավարշ Քոչարյանը տարակուսեց. «Ի՞նչ է նշանակում` դրսի կադր է կամ հանրապետական չէ : Նա ՀՀ քաղաքացի է, և ժամանակին Երևանի քաղաքապետ է եղել»:

Հարցին` եթե նոր վարչապետը չցանկանա իրեն տեսնել կառավարությունում, հնարավո՞ր է դառնա ընդդիմադիր, Շավարշ Քոչարյանը պատասխանեց. «Եթե ձեր նպատակը ինձ վիրավորելն է, դա ձեզ չի հաջողվի»: