Ձեր ներկայությամբ օրհնություն, ջերմություն եւ խաղաղություն եք բերում մեր երկիր. Սերժ Սարգսյան

Ձեր ներկայությամբ օրհնություն, ջերմություն եւ խաղաղությսւն եք բերում մեր երկիր: ՀՀ նախագահականում նախագահ Սերժ սարգսյանը Հռոմի պապին ուղղված ողջույնի խոսքն այս խոսքերով սկսեց:

«Քրիստոնեական հավատը հայոց ինքնության դրոշմն է` պայմանավորելով մեր պատմական ուղին, այն արժեքներն ու մշակույթը, որ մեզ ուղղորդեցին 21-րդ դար, դեպի ներկա, այս պատմական ակնթարթը: Հավատարիմ մնալ քրիստոնեությանը` սա է հայ ժողովրդի նկարագիրը:

Ինչպես իրավացիորեն նկատել եք ապրիլի 12-ի ելույթում, մեր տարածաշրջանի ժողովուրդները խաղաղության  կարիք ունեն: Խոսքն այն ժողովուրդների մասին է, որ անցյալում համատեղ խաղաղ կյանքի երկարատեւ ժամանակահատվածներ են ունեցել, նույնիսկ դժվարությունների ժամանակ աջակցել միմյանց: Հայաստանն այսօր էլ խաղաղության է ձգտում, մեզ համար խաղաղ բանակցելը ավելի գերադասելի է, քան կրակելը»,- իր խոսքում ասաց Սերժ Սարգսյանը: