Վթար Եղեգնաձորում. տուժածներից 2-ը զինծառայող են

Հունիսի 23-ին, ժամը 15.28-ին ահազանգ է ստացվել, որ Վայոց Ձորի մարզի Եղեգնաձոր քաղաքի Ավագյան փողոցում տեղի է ունեցել ՃՏՊ. կան տուժածներ:

Դեպքի վայր է մեկնել մեկ մարտական հաշվարկ և մարզային ճգնաժամային կառավարման կենտրոնի օպերատիվ խումբը:

Տեղեկացնում է ՀՀ ԱԻՆ-ը: 

Shamshyan.com-ի տվյալներով, վթարի հետևանքով վարորդ Ս. Ղազարյանը և նրա ուղևորներ` Եղեգնաձոր քաղաքի բնակիչ, 31-ամյա Վանիկ Մարգարյանը և Վայց ձորի մարզի Աղավնաձոր գյուղի բնակիչ, 28-ամյա Դավիթ Մկրտչյանը մարմնական վնասվածքներով տեղափոխվել են Եղեգնաձորի բժշկական կենտրոն: 

Աղբյուրի տեղեկություններով՝ վարորդն ու վիրավորներից Դ.  Մկրտչյանը պայմանագրային զինծառայողներ են: