Երեք զոհված զինծառայողների ընտանիքներ բնակարան կստանան

Երեք զոհված զինծառայողների ընտանիքներ բնակարան կստանան: Այս մասին լրագրողներին հայտնեց «Ժառանգություն» կուսակցության անդամ Անահիտ Բախշյանը:

Նա նշեց, որ ավագանու նիստում արդեն քննարկվել է հարցը և որոշում է կայացվել: Բախշյանի հավաստմամբ` վիրավորների մեջ էլ կան ընտանիքներ, որոնք բնակարանի կարիք ունեն:

«Մենք դեռևս քննարկել ենք մինչև ապրիլի 5-ն ընկած ժամանակահատվածում զոհված զինծառայողների սոցիալական վիճակն ու, ըստ այդմ, որոշում կայացրել, սակայն հիմա արդեն իմ ձեռքի տակ է ամբողջ ցուցակը և պետք է դա էլ արդեն ուսումնասիրեմ»,-ասաց Բախշյանը:

Նա նշեց նաև, որ առաջիկայում ավագանու նիստում բարձրացնելու է հարցը, որ զոհված զինծառայողների անուններով կոչվեն փողոցները, որտեղ ապրել են նրանք: «Օրինակ` Ռոբերտ Աբաջյանի, Արմենակ Ուրֆանյանի անուններով փողոցներն անվանակոչելու համար հենց տեղի բնակիչներն են հարց բարձրացրել, ուրեմն պետք է ավագանու նիստում քննարկվի և համապատասխան որոշում ընդունվի»,- ասաց Անահիտ Բախշյանը: