Պուտինը կոչ է արել ՌԴ-ի ներսում հաշվարկների ժամանակ հրաժարվել օտարերկրյա արժույթից

ՌԴ նախագահ Վլադիմիր Պուտինի  կոչ է արել ՌԴ-ի ներսում հրաժարվել օտարերկրյա արժույթի օգտագործումից: Այդ մասին նա հայտարարել է վառելիքաէներգետիկ համակարգի զարգացման հարցերով նախագահական հանձնաժողովի նիստին:

Մասնավորապես՝ քննարկվել է ռուսական վառելիքաէներգետիկ համալիրի ադապտացիան նոր տնտեսական պայմաններին, ինչպես նաև մի շարք ներդրումային նախագծերի հեռանկարներն ու ոլորտում սարքավորումների ներմուծումից կախվածության նվազեցմանն առնչվող հարցեր:

Պուտինը հրահանգել է վերջապես վերջ դնել երկրի ներսում հաշվարկների ժամանակ օտարերկրյա արժույթի օգտագործման պրակտիկային: ՌԴ նախագահը նշել է, որ դա արգելված է օրենքով, թեև նման հաշվարկներ արվում են պարբերաբար: