«Ժառանգության» «անհետաքրքիր» նիստը

Երեկ տեղի է ունեցել  «Ժառանգություն» կուսակցության վարչության նիստը: Կուսակցության փոխնախագահ Արմեն Մարտիրոսյանը Yerkir.am-ի հետ զրույցում հայտարարեց, որ նիստի ընթացքում որևէ հետաքրքիր բան չեն քննարկել: Ի դեպ, նիստին ներկա է եղել նաև կուսակցության ղեկավար Րաֆֆի Հովհաննիսյանը:

«Բոլորն էլ ներկա էին նիստին, անգամ` ես»,- կատակեց Մարտիրոսյանը:

Երբ ասացինք` փաստորեն, որևէ հետաքրքիր բան «Ժառանգություն»-ում չի քննարկվում, նա, ուղղելով իրեն, արձագանքեց, որ խոսքը վերաբերում է մամուլի համար հետաքրքիր նյութի բացակայությանը:

Կուսակցության փոխնախագահն այդպես էլ չցանկացավ ասել, թե կոնկրետ ինչ հարցեր են քննարկվել վարչության նիստի ընթացքում և արդյոք անդրադարձ եղե՞լ է Ռուբեն Հակոբյանի` կուսակցությունից հեռանալուն, ինչպես նաև` կուսակցության ներկայիս վիճակին և գործունեությանը: