Չեմ խմում...անհետաքրքիր եմ այդ առումով. Արփինե Հովհաննիսյան

Ամանորը ԱԺ ՀՀԿ խմբակցության պատգավոր Արփինե Հովհհանիսյանի համար ընտանեկան խորհուրդ ունի: Yerkir.am-ի հետ զրույցում պատգամավորն անկեղծացավ, որ իր համար հոգնեցնող իրավիճակ է պարբերաբար տանը հյուրերից հետո խոհանոցային իրարանցումը: Ինչ վերաբերում է ամանորյա սեղանին, Արփինե Հովհաննիսյանը կարծում է, որ սեղանը զարմացնելու համար չէ. «Հատուկ որևէ ճաշատեսակով չեմ զարմացնելու, կոկորդիլոս չեմ դնելու սեղանին, ինքս էլ էքստրեվագանտ ոչինչ չեմ ուտում: Չեմ էլ խմում, անհետաքրքիր եմ այդ առումով»,- ասաց պատգամավորը:

Խոսելով սոցիալապես անապահով բազմաթիվ ընտանիքների մասին, թե ինչպես են նրանք նշելու Նոր տարին, պատգամավորը նշեց, որ դա բարդ հարց է, որովհետև նման ընտանիքներն իսկապես Ամանորին  բարդ իրավիճակներ կունենան: Ինչևէ, ՀՀԿ-ական պատգամավորը այդ ընտանիքներին մաղթեց լավագույնը:

«Ցանկանում եմ, որ իմ մաղթանքները շոշափելի դառնան: Լավատեսություն եմ մաղթում...շատ բան այդ առումով չեմ կարող ասել: Դա դժվար իրականություն է, որի հետ բոլորս պետք է ինչ-որ առումով հաշտվենք, բայց միևնույն ժամանակ, այդ ամենը չպետք է մեզ բավարարի, ու բոլորս պետք է միջոցներ ձեռնարկենք՝ իրավիճակը շտկելու համար»,- ասաց Արփինե Հովհաննիսյանը: