Գտնվել է «կեղծ» Արթուր Հարությունյանը. Լուսանկարներ

 Ինչպես արդեն հայտնի է` Աբովյանի քաղաքապետի թեկնածու, «կեղծ» Արթուր Գեղամի Հարությունյանը, ով հայտնի Արթուր Գեղամի  Հարությունյանի` Պալաչի անվանակիցն է,  տևական ժամանակ է` անհայտ է, և որևէ մեկն անգամ չի ճանաչել նրան: Վերջինս պետք է իր ընտրությունը կատարեր թիվ 28/17 ընտրատեղամասում: Yerkir.am-ի թղթակիցն այցելեց ընտրատեղամաս և հանձնաժողովի անդամներից տեղեկացավ, որ Հարությունյանն առավոտյան` ժամը 10:00-ի սահմաններում այցելել է ընտրատեղամաս և կատարել իր քաղաքացիական պարտքը: Մեր տեսախցիկը ընտրամատյանում ֆիքսեց Արթուր Հարությունյանի անուն ազգանունը և ընտրատեղամաս այցելելու ժամը:

Yerkir.am-ի թղթակիցն  այցելեց նաև Արթուր Հարությունյանի բնակարան: Մեր թղթակիցը հաղորդում է, որ որևէ մեկը դուռը չի բացել, իսկ հարևաններն էլ տեղեկացրել են, թե վերջինիս այնքան էլ հաճախ չեն տեսնում, սակայն ճանաչում են: Հարևանները հայտնեցին, որ հաճախակի են հանդիպում փողոցում Արթուր Հարությունյանին, սակայն այնքան էլ չեն շփվում նրա հետ: Հարևանները, բնութագրելով թեկնածուին, նորմալ մարդ համարեցին նրան:

 Նրանք հայտարարեցին, որ նա մարդկային որակներով հարուստ անձնավորություն է: