«Ալ Քաիդա»-ն զգուշացնում է Օբամային

«Ալ Քաիդա» ահաբեկչական կազմակերպության անդամները սպառնում են սպանել 33-ամյա ամերիկացի Լյուկ Սոմերսին, որին պատանդ էին վերցրել 2013-ի սեպտեմբերին Եմենի մայրաքաղաք Սանայի մարդաշատ փողոցներից մեկում: Ուղերձով տեսանյութը տեղադրվել է համացանցում երեկ. տեղեկացնում է ТАСС-ը:

Ահաբեկիչները տեսանյութում սպառնում են, որ կսպանեն Սոմերսին, եթե ԱՄՆ-ը երեք օրվա ընթացքում չկատարի իրենց պահանջները, սակայն չեն մանրամասնում, թե կոնկրետ ինչ են ցանկանում: «Մենք զգուշացնում ենք Օբամային եւ ամերիկյան կառավարությանը ցանկացած հիմար գործողության հետեւանքների մասին»,- ասում են նրանք:

Ավելի վաղ ԱՄՆ հատուկջոկատայինները փորձ են արել ազատել Սոմերսին, սակայն ահաբեկիչները նրան հասցրել են տեղափոխել: