Լիբիայում մեծ մասշտաբներ են ստանում հակամարտող խմբավորումների բախումները

Լիբիական բանակի գլխավոր հրամանատարը որոշել է մայրաքաղաք Տրիպոլի մտցնել կառավարությանը հավատարիմ զինված ուժեր այն բանից հետո, երբ զինյալները փորձել են գրավել խորհրդարանի շենքը: Այս մասին հայտնում է BBC-ն:

Տրիպոլիում ավելի ու ավելի հաճախակի են դառնում հակամարտող խմբավորումների միջև բախումները: Իշխանությունները մտավախություն ունեն, որ առճակատումը կընդլայնվի:

Որոշ տեղեկություններով՝ ռազմաօդային բազայի զինծառայողները միացել են ապստամբած գեներալ Խալիֆա Հիֆթարին, որին իշխանությունները մեղադրում են զինված հեղաշրջման փորձի մեջ:

Գեներալ Հիֆթարը մայիսի 16-ին ցամաքից և օդից հարվածներ էր հասցրել Բենղազիում գտնվող իսլամական զինյալների դիրքերին, ինչի հետևանքով սպանվել էր առնվազն 70 մարդ: