Ռուսական պատվաստանյութի դեմ պատվիրված արշավն աննախադեպ մասշտաբներ է ստանում. Զախարովա

Գիտական քննարկման փոխարեն որոշ երկրներ ծավալում են աննախադեպ մասշտաբների պատվիրված արշավ ընդդեմ ռուսական հակակորոնավիրուսային պատվաստանյութի. նման հայտարարությամբ է հանդես եկել Ռուսաստանի ԱԳՆ պաշտոնական ներկայացուցիչ Մարիա Զախարովան Դաշնային խորհրդում կայացած «Համավարակից հետո․ տեղեկատվական պատերազմները ժամանակակից աշխարհում. եզրակացություններ Ռուսաստանի համար» կլոր սեղանի ժամանակ. հայտնում է ՏԱՍՍ-ը:

Նա, մասնավորապես, նշել է. «Տեղի է  ուեցել մեր բժշկական հաջողությունների կտրուկ բացասական լուսաբանում, այդ թվում` կորոնավիրուսի դեմ պատվաստանյութի մշակման հարցում: Հիմա դա ստանում է աննախադեպ մասշտաբներ: Գիտական առողջ բանավեճի փոխարեն տեսնում ենք 20-րդ դարի չգիտեմ, թե որ թվականների ոգով պատվիրված արշավներ»:

Զախարովան հավելել է, որ ռուսական մշակման արդյունավետության վերաբերյալ գիտափորձագիտական հասարակության կասկածները լայնորեն տարածում են, օրինակ, գերմանական ԶԼՄ-ները։