Հայկական տարազներ` ծաղկաթերթիկներից

Մարտի 15-ին Հովհաննես Շարամբեյանի անվան ժողովրդական ստեղծագործության կենտրոնում տեղի կունենա ժողովրդական վարպետ Նունե Խաչատրյանի «Հայկական տարազներ» խորագիրը կրող անհատական ցուցահանդեսի և «Ծաղկանուն» զարդերի հավաքածուի ցուցահանդես-վաճառքի բացման արարողությունը:

Yerkir.am-ի հետ զրույցում նկարչուհու ամուսինը` Ահարոն Թադևոսյանը, նշեց, որ ցուցահանդեսին կներկայացվեն Խաչատրյանի` վերջին 4 տարիներին արված աշխատանքները:

«Կցուցադրվեն ծաղկաթերթիկներով ստեղծված 26 աշխատանքներ, 32 հայկական տարազ /Մուշի, Վասպուրականի, Սասունի, Զեյթունի, Ագուլիսի…/: Կլինեն նաեւ ինքնադիմանկարներ և թեմատիկ հորինվածքներ` կրկին պատրաստված ծաղկաթերթիկներով»,-ասաց Թադևոսյանը:

«Հայկական տարազներ» ցուցահանդեսը կգործի մարտի 15-20-ը: