Մեր վարչապետն այդքան միամի՞տ է

Թուրքիայում Բույուքշեհիրի քաղաքապետ Մելիհ Գյոքչեքը խոսել է Թուրքիայում մեծ աղմուկ բարձրացրած` Էրդողանի ձայնագրության մասին:

Ըստ Haberler-ի` քաղաքապետը համոզված է, որ Էրդողանի մասին ելույթից հետո ցանկացել են իրեն նույնպես հարված հասնել` մի քանի ձայնագրություն իր մասին ևս տարածելով:  Նա ընդունել է, որ ձայնագրությունում ինքն է, սակայն  մոնտաժել են իր խոսակցությունը` հեռացնելով իրենց ոչ ձեռնտու հատվածները, եւ իմաստն ամբողջովին փոխվել է:

«Լսում եմ համացանցում հայտնված ձայնագրությունները: Այնտեղ վարչապետն ասում է` «տղա'ս, մեզ գաղտնալսում են»: Լավ, բա մեր վարչապետն այդքան միամի՞տ է, որ գիտակցելով հանդերձ, որ գաղտնալսվում է, շարունակի խոսակցությունը: Ավելին` ասի` «սա բեր, դա տար»: Ժամանակակից տեխնոլոգիան անպիսին է, որ ձայների հետ ինչպես ուզում` խաղում են: Առաջին մասը լսելիս զարմացա, սակայն ընթացքում հասկացա, որ մոնտաժ է»,- ասել է Գյոքչեքը: