Հիմնադրամի տնօրենի կատարած դանակահարությունը` ֆեյսբուքյան կոնֆլիկտի հետևանք

Հունվարի 12-ին «Զորակն» հիմնադրամի տնօրեն Հովհաննես Հարությունյանի կողմից Գրիգոր Ամիրյանին դանակահարելու փաստի առթիվ հարուցված քրեական գործը հնարավոր է կարճվի: Այս մասին, yerkir.am-ի հարցին ի պատասխան, ասաց «Հայազն» կուսակցության վարչության անդամ Արմեն Աղայանը:

Նրա խոսքով` դանակահարող երիտասարդn ուշացումով տուժողից ներողություն է խնդրել և հոգացել նրա բժշկական ծախսերը: Իսկ միջադեպն, ըստ նրա, ծագել է այն բանից հետո, երբ «Զորակնի» անդամներից մեկը «Ֆեյսբուք»-ում «Հայազնի» վերաբերյալ ծաղրական նյութ է պատրաստել:

Աղայանը, «Զորակն»-ին մեղադրելով ընդդիմադիր հայացքներ ունեցող երիտասարդներին «գողանալու» մեջ,  ևս մեկ անգամ պնդեց, որ այդ հիմնադրամը ֆինանսավորվում է նախագահականից`  նպատակ ունենալով վերահսկել ազգայնական դաշտը: