Ապացուցի’ր, որ մեզ չես ստել դասավանդելիս. ՍԴ նախագահի նախկին ուսանողներն Ազատության հրապարակում են

Ազատության հրապարակը լեփ-լեցուն է: Քիչ առաջ ելույթ ունեցավ ԲՀԿ խմբակցության քարտուղար Նաիրա Զոհրաբյանը: «Օրենքը բխում է միայն իշխանության կլանի շահերից, որին օդի պես անհրաժեշտ են լրացուցիչ գումարներ: Ինչքան պետք է նվաստացնել և չսիրել սեփական ժողովրդին: Սա ցինիզմ որակելն այլևս մեղմ գնահատական է»,- հայտարարեց նա և հավելեց` իրենք միասնական վիճարկելու են ոչ միայն այդ օրենքը, այլ նաև գազի համաձայնագիրը:

«Մենք կառուցելու ենք այն Հայաստանը, որտեղից մարդիկ չեն փախչելու»,- ասաց պատգամավորը, ինչին հետևեց մասնակիցների` «Սերժիկ, հեռացիր» վանկարկումը:

Նշենք, որ հավաքին մասնակցում են նաև ՍԴ նախագահ Գագիկ Հարությունյանի նախկին ուսանողները, ովքեր կրում են «Ապացուցիր, որ չես ստել մեզ դասավանդելիս» գրությամբ պաստառներ: