Քուրդ լրագրողներին սպառնում են ''փամփուշտով''

Թուրքիայի Yüksekova Haber խմբագրության գրասենյակի դիմաց անհայտ անձինք որսորդական հրացանի երկու փամփուշտ են թողել. հայտնում է agos.com-ը:

Ջումհուրիյեթ թաղամասում գտնվող գրասենյակի տնօրեն Զեքի Դարան և լրագրող Քադիր Քայան, տեսնելով խմբագրատան մուտքի մոտի փամփուշտները, զանգահարել են ոստիկանություն:

«Փորձում են ազատ մամուլին` ժողովրդի ձայնը հանդիսացող Yüksekova Haber-ին, վախեցնել: Կարծում եմ` վերջերս հրապարակված լուրերը ինչ-որ մեկի «դուրը չեն եկել»: Պարզ է, որ սպառնում են մեզ»,- ասել է լրագրող Քայան:

Բոլորիս հայտնի է, թե Թուրքիայում ինչքան «ազատ» է մամուլը: Հրանտ Դինքի սպանությունն այդ «ազատության» դրսեւորումներից էր...