Մնջախաղի թատրոնը կմասնակցի ″Առանց սահմանների″ փառատոնին

Հոկտեմբերի 30-ից նոյեմբերի 5-ը Երեւանի մնջախաղի պետական թատրոնը Բոննում կմասնակցի «Առանց սահմանների» միջազգային փառատոնին:

Դա Բոննի առանցքային փառատոներից է, որը տարեցտարի ընդլայնում է իր շրջանակները: Փառատոնի տեւողությունը 3 ամիս է եւ ներառում է արվեստի հետևյալ ուղղությունները` երաժշտարվեստ, պարարվեստ, թատերարվեստ:

Փառատոնին մասնակցելու պայմանավորվածությունը ձեռք է բերվել դեռեւս անցած տարի՝ Բոննի քաղաքապետարանի մշակութային հարցերով վարչության պետ Անդրեաս Լյոշի երևանյան այցի շրջանակում:

Թատրոնը փառատոնին հանդես կգա համատեղ ներկայացմամբ, ապա նաեւ վարպետության դասեր կանցկացնի «Հացի կենտրոն» վայրում: Փառատոնին այս տարի կմասնակցեն նաեւ Գերմանիայի, Ավստրիայի, Ուզբեկստանի, Բելառուսի, Իսլանդիայի եւ Չինաստանի արվեստագետները: