25 տարի` նույն գուլպաներով

Բրիտանահպատակ Ֆրենկ Թերնբրիջը պնդում է, որ Մեծ Բրիտանիայում ամենահին գուլպաները կրողն է. դրանք հագնում է արդեն 25 տարի շարունակ. գրում է  Daily Telegraph-ը:

«Չգիտեմ` ինչու է այդպես ստացվել: Այդ գուլպաները հագնում եմ ամեն շաբաթ: Կինս դրանք լվանում է, եւ ես հագնում եմ: Դրանք շատ հարմար են»,-  ասել է Թերնբրիջը:

Ըստ նրա` 25 առաջ գնված գուլպաները նեյլոնից եւ բրդից են, ու դրանք դեռեւս ոչ մի անգամ կարկատելու հարկ չի եղել: Միայն վերջերս է գուլպաներից մեկի վրա փոքրիկ ծակ գոյացել:

Թերնբրիջը հոբբի ունի` հետեւել կատվազգիների ընտանիքի ներկայացուցիչների միգրացիային երկրում, եւ իր ճանապարհորդությունների ժամանակ կրում է երկարակյաց գուլպաները: