Իշխանությունը նույն ՀԱԿ-ն է, ՀԱԿ-ն էլ` նույն իշխանությունը

Հայաստանի կոմունիստական կուսակցության կենտկոմի առաջին քարտուղար Ռուբեն Թովմասյանը ո'չ իշխանությանն է հասկանում ու հավատում, ո'չ էլ ՀԱԿ-ին: «Եվ այդ անհավատության մեջ խոսք ասել, շատ բարդ է»,- ԵՐԿԻՐ-ին ասաց նա:

Հարցին` ինչո՞ւ, այնուամենայնիվ, իշխանությունը մերժեց ՀԱԿ-ի առաջարկը` բանակցել պաշտոնապես ձեւավորված պատվիրակությունների միջոցով, Ռուբեն Թովմասյանը պատասխանեց. «ՀԱԿ-ն այնպիսի դիրք գրավեց, որ պիտի մերժվեր, որովհետեւ իշխանությունը նույն ՀԱԿ-ն է, ՀԱԿ-ն էլ նույն իշխանությունն է. երկուսն էլ վստահություն չեն վայելում ժողովրդի մեջ, եւ այդ անվստահության պայմաններում երկուսն էլ աշխատում են վերարտադրվել: Դա է ամբողջ էությունը»: