Մարկ Սաղաթելյանին արյան փոխներարկումներ են անում

Մարկ Սաղաթելյանի առողջական վիճակը նույնն է՝ ծայրահեղ ծանր. գիշերվա ընթացքում ոչ մի փոփոխություն չի եղել: Այս մասին քիչ առաջ Yerkir.am-ի հետ զրույցում նշեց «Նաիրի» բժշկական կենտրոնի փոխտնօրեն Սիրանույշ Մարտիրոսյանը:

Նա տեղեկացրեց, որ Սաղաթելյանին փոխպատվաստում անել չի կարելի, քանի որ նման իրավիճակում դա ուղղակի անհնար է. «Փոխպատվաստում անելու համար անհրաժեշտ է կայուն վիճակ, այսինքն` նախապես  նա պետք է քիմիա ընդունած լիներ եւ գիտակցությունը տեղը լիներ»:

Տիկին Մարտիրոսյանը նշեց նաեւ, որ այժմ բժիշկները արյան փոխներարկումներ են անում, որպեսզի կրկին արյունահոսություն չսկսվի: Սաղաթելյանին միացված է արհեստական շնչառության սարք, նա գտնվում է դեղորայքային կոմայի մեջ: