Իշխանությունը զիջումների չի գնա. Էրդողան

Այսօր Թուրքիայի վարչապետ Ռեջեփ Թայիփ Էրդողանը Անկարայում հանդիպել է իր կողմնակիցների հետ եւ մեկնաբանել երկրում կատարվող իրադարձությունները: Ավտոբուսի տանիքին կանգնած ելույթ ունենալով` նա հայտարարել է, որ իշխանությունները պատրաստ են ցուցարարների հետ երկխոսության, թեեւ մի քանի օր առաջ նրանց «դիակապտողներ» էր անվանում. տեղեկացնում է Russia Today-ը:

«Մենք չենք հրաժարվում լսել փողոցներում բողոքող մարդկանց, սակայն ուշադրություն ենք դարձնելու միայն օրինական պահանջներին»,- նշել է Էրդողանը` միաժամանակ ընդգծելով, որ  մտադիր չէ հրաժարվել իր դիրքորոշումից. «Նրանք ասում են, թե կոշտ եմ արտահայտվում: Ցավում եմ, բայց Թայիփ Էրդողանը Թայիփ Էրդողանն է, եւ նա երբեք չի փոխվի»: