Մադոննայի անօթեւան եղբայրը կռվել է կին ոստիկանի հետ

Բժիշկները 9 կար են դրել Մադոննայի անօթեւան եղբոր ճակատին. նա հասարակական զուգարանում կռիվ էր սարքել կին ոստիկանի հետ. տեղեկացնում է РИА Новости-ն: Հարբած Էնտոնի Չիկկոնենեն հրաժարվել է դուրս գալ զուգարանից, որտեղից նրան փորձել են դուրս բերել ոստիկանության օգնությամբ: Ոստիկանական գործողության ժամանակ ընկնելով`նա վնասել է ճակատը:

Չիկկոնեին մասնավոր տարածքում ապօրինաբար գտնվելու մեղադրանք է ներկայացված: Նմանատիպ մեղադրանք նրան ներկայացվել է նաեւ մարտին, երբ նա հրաժարվում էր դուրս գալ գրախանութից:

Մադոննայի հարազատ եղբայրը ժամանակին զբաղվել է գինեգործությամբ, սակայն 2004-ին սնանկացել է: Ներկայումս նա ապրում է կամրջի տակ, կյանքի համար գումար է վաստակում պատահական աշխատանքով: Տղամարդը բազմիցս հայտարարել է, որ չի ցանկանում քրոջից օգնություն խնդրել: