Եվրոպան և ԱՄՆ-ը չեն ցանկանում կռվել Ռուսաստանի հետ. Ֆրանսիայի ՊՆ ղեկավար

Ոչ մի եվրոպական երկիր, ինչպես նաև ԱՄՆ-ը, չի ցանկանում թույլ տալ ուղղակի ռազմական բախում Ռուսաստանի հետ, քանի որ Ռուսաստանի Դաշնությունը միջուկային տերություն է։ Այս մասին RTL ռադիոյի եթերում հայտարարել է Ֆրանսիայի զինված ուժերի նախարար Ֆլորենս Պարլին։

«Մենք պատերազմ չենք հայտարարել Ռուսաստանին: Չեմ կարծում, որ որևէ եվրոպական երկիր կամ ԱՄՆ-ը ցանկանում է կռվել Ռուսաստանի դեմ,- ասել է նա:- Մեր նպատակը հրադադարի հասնելն է»:

Նախարարը հիշեցրել է, որ Ռուսաստանը միջուկային տերություն է, և ՆԱՏՕ-ն ևս ունի նմանատիպ զինատեսակներ։ «Դուք, ի՞նչ է, ցանկանում եք միջուկային պատերա՞զմ»,- հարցրել է նա առավոտյան հեռուստահաղորդման հաղորդավարին՝ ի պատասխան հարցին, թե Ֆրանսիան պատրաստվո՞ւմ է զորք ուղարկել Ուկրաինայի պաշտպանության համար։