Ադրբեջանի ՊՆ-ն թաքցնում է զինվորների մահվան պատճառները

Ադրբեջանցի զինվորի մահվան հետ կապված հերթական սկանդալն է տեղի ունեցել Ադրբեջանի Իմիշլիի շրջանում: Ըստ Turan գործակալության` Ադրբեջանի պաշտպանության նախարարության մամուլի ծառայությունը տեղեկացրել է, թե ապրիլի 6-ի առավոտյան զորամիավորումներից մեկի զինվոր Էլման Իմանովը մահացել է իրեն կցված ինքնաձիգից արձակված կրակոցից, ընդ որում` չի հստակեցվել` ինքնասպա՞ն է եղել, թե՞ զենքի հետ անզգույշ վարվելու հետեւանք է:

Զինվորի դին հաջորդ օրը ցինկե դագաղով տեղափոխել են Իմիշլիի շրջանում գտնվող նրա հայենի գյուղը: Ուշագրավ է, որ դագաղը բերել են այն զորամասի զինվորները, որտեղ մահացածը ծառայում էր, այլ հարեւան զորամասի: 

Գործակալությանը տեղի բնակիչները հայտնել են, որ ոստիկանությունը ամեն ինչ արել է, որ զինվորի հարազատները չբացեն դագաղը, սակայն դագաղն, այնուամենայնիվ, բացվել է եւ պարզվել է, որ զինվորը հրազենից արձակված կրակոցից չի մահացել, այլ խոր վերքից` հասցված դանակի միջոցով:

Ոստիկանությունը արգելել է դիակի լուսանկարումն ու տեսահանումը, այդ թվում` լրագրողներին:

Գործակալությունը նշում է, որ զինծառայողների մահվան պատճառների մասին ոչ ճիշտ տեղեկատվությունը արձանագրվել է բազմիցս: Հրամանատարներն այդպիսով փորձում կոծկել այն, որ զինվորները մահանում են համածառայակիցների բռնությունների հետեւանքով: