Դատարանը մեղադրյալին արգելել է մեկ տարի եկեղեցի մտնել

Մոսկվայի դատարանն արգելել է 52-ամյա տղամարդուն մեկ տարի քրիստոնեական եկեղեցիներ մտնել. գրում է Vz.ru-ն:

2012-ի սեպտեմբերին Մոսկվայում ձերբակալվել է պետերբուրգցի Յուրի Պիոտրովսկին, ով թանաք էր լցրել Մոսկվայի Սուրբ Փրկիչ եկեղեցու սրբապատկերներից մեկի վրա ու փչացրել այն: Նա հայտնել էր, թե գրանցված է հոգեկան-նյարդաբանական բուժհաստատությունում, սակայն հետագայում հայտնի էր դարձել, որ լիովին առողջ է:

Դատարանում Պիոտրովսկին ընդունել է իր մեղքը, զղջացել և ներողություն խնդրել բոլոր հավատացյալներից:

Դատարանը մեղադրական դատավճիռ է կայացրել` սահմանափակելով նրա ազատությունը մեկ տարով, և այս ընթացքում արգելվում է նրա մուտքը քրիստոնեական եկեղեցիներ: