Քվեատուփի տակ ճեղք չի եղել, անցքեր են հայտնաբերվել

Առավոտյան Ավանի 1/6 ընտրատեղամասում «Քաղաքացիական հասարակության ինստիտուտ» ՀԿ-ի դիտորդն արձանագրել էր, որ կնքված քվեատուփի ստորին հատվածում ճեղք կա, որից հնարավոր է քվեատուփ քվեաթերթիկ մտցնել։

Yerkir.am-ի հետ զրույցում 1/1 ընտրատեղամասում ՀՀ նախագահի թեկնածու Րաֆֆի Հովհաննիսյանի վստահված անձ Թևան Պոսոսյանը նշեց, որ որ գնում է նշված ընտրատեղամաս` արձանագրված խախտման մանրամասները պարզելու:

Ըստ նրա` հանձնաժողովի անդամները ստուգել են քվեատուփը և պարզել, որ ճեղք չկա, քվեատուփի տակ առկա են անցքեր, որոնք արտադրական թերություն են:  Սկզբում որոշում է ընդունվել փոխել քվեատուփը, սակայն, երբ պարզվել է, որ այդ անցքերից հնարավոր չէ քվեաթերթիկ մտցնել, տուփը չեն փոխել: